امور فنية للمبتدئين خاصة بالتعليف

فنيات التعليف

اولا مساحة التعليف

فى فترة الحضانة بتكون 20 طبق لكل 1000 كتكوت
دى انسب مساحة تعليفية
لو قلت مساحة العلف هيحصل الاتى

* تفاوت احجام
* زيادة السردة
* اسهال اخضر بسبب ضعف استهلاك العلف (اسهال غذائى وليس مرضى)
* ظاهرة الافتراس لانها بتنشط لما الطير مش بياخد راحتة فى الاكل
* ظهور امراض سؤء التغذية
انزلاق الوتر
لف الرقبة
عرج
جفاف الارجل
عدم انتظام الترييش

ثانيا عدم ملئ الطبق لاخرة

ودى كتبنا فيها بوست قبل كدا
وقلنا ان الملئى 100% بيعمل هدر فى العلف بنسبة 29% علف نفقود
ولما بنملى الطبق 75% بيكون الهدر 9الى 11%
ولما بنملى الطبق الى 65% بيكون الهدر 4 الى 6%
ولما الطبق بيكون النص بيكون الهدر 2%تقريبا

يعنى متملش الطبق
لان ملئ الطبق بيعمل الاتى
* تاخير استهلاك كل علف الطبق ودا بيعمل تراكم او فساد العلف اللى فى قاع الطبق
* خسارة اقتصادية بسبب الهدر
* سهولة انتشار الاسهال او الامراض لان ترك العلف فترة بيخلى الكتكوت بخرج زرقة علية ودا وسيلة سهلة لنقل المسبب المرضى الى باقى اللى بياكلو معاة


ثالثا متعلفش الا لما العلف اللى فى الطبق يخلص

ودا لة اسباب كتيرة هنقول منها سببين فقط

* اصابة الكتاكيت بالتوكسينات العلفية نتيجة تراكم علف فى قاع الطبق باستمرار لان كل مرة بتعلف على القديم

* بسبب ان العلف تحت مش واصلة تهوية ومعرض لحرارة التحضين اللى هى غير مناسبة لتخزينة فبيخلى بعض الفيتمينات والاحماض الامينية تتكسر بفعل الحرارة

وبالتالى قيمة عذائية اقل