بخصوص خلط العلف بالمنزل

السلام عليكم ورحمه الله وبركاته

ارجو ان حد من الاخوة يفيدنى بخصوص خلط العلف بالمنزل بالنسبه لنوعين
اولا انا عندى بط بح وبط فرنساوى وسامحونى لو الاسماء غلط لانى باقول الاسماء اللى عرفتها من اللى باعهولى الاول عنده تقريبا 6 اسابيع والتانى 4 او ممكن 7 و 5
وثانيا عندى فراخ بلدى بغرض البيض عمرة تقريبا 4 شهور بس للاسف معرفش اذا كان ليها سلاله ومعينه او اسمها ايه

انا محتاجه اعرف النسب اللى ممكن اخلط بيها الاتى
عندى فول صويا مجروش
وعيش بلدى ناشف مطحون
وذرة صفراء
ومركزات من اللى سعرها 6 جنيه
وكيس املاح معدنيه مكتوب عليه لعجول التسمين
وكانوا نصحونى بالجير المطفى للفراخ علشان نقص الكالسيوم ف عندى منه بردة

انا اسفه انى محطيتش تركيزات ولا اسامى اوضح بس انا مربيه للاستخدام الشخصى ونفسي افهم واوفر واحصل على افضل نتيجه

باشكركم على وقتكم وان شاء الله هاستنى الرد

لكل 10 ك
حطى 7 ك ذرة صفرا
2 ك صويا
1 ك مركزات

ولو خلطى عليهم ربع ك خميرة تكونى ممتازة

وشكرا على كدا

شكرا على ردك لكن هل الخلطه دى تنفع للبط (التسمين)والفراخ (البيض) ف نفس الوقت؟
وبالنسبه للخميرة اجيب خميرة بيرة العاديه بتاعه الخبز؟ اسفه على الازعاج

حطيها للاتنينن مع بعض
والخميرة بتاعة الخبيز

الخميرة الجافة مش الخميرة بيرة

وبالنسبة للأملاح المعدنية الخاصة بالعجول استعمليها عادي
البيطري ديما بيحط لي منها مع تركيبة العلف كل ما اشتري منه

فينك من زمان وفين كتاباتك

كتابات ايه يا باشمهندس

احنا بندخل نتعلم منكم بس ( بناخد بس مش بندي )
الله يباركلك وينفع بك