توصيات للمربى حول فقد العلف

دراسة عن فقد العلف عملها احد اصدقائنا وفعلا دراسة مزعجة جدا

بيقولك ان سؤء الادراة من حيث فقد العلف اثناء التعليف او التعليف الخاطئ بيفقد الطير 5 جرام علف كل يوم

ودى حسبة خطيرة جدا

يعنى عندك عنبر مكون من 10 الالف طير كل طير بيفقد 5 جم يعنى كل يوم 50 ك علف مفقودين

يعنى لو الدورة 38 يوم مثلا

هيكون الفقد فى العلف 1900 كيلو علف يعنى قرابة 2 طن علف راحو عليك بسبب خطا بسيط

عارف امتى تفقد 2 طن علف

** لما تنقل العلف بطريقة خاطئة
** لما تملى العلافة الى اخرها بيروح عليك من 15 الى 19% من العلف
** لما تملى العلافة الى ثلاث اربعها بتفقد حوالى من 12 الى 13% من العلف
** لما تملى ثلثيها بتفقد من 7 الى 9%
** لما تملى نصفها بتفقد من 2 الى 3 %

يعنى طريقة ملئ العلافة لة دور كبير فى الفقد دا

ومن الخبرات الحقلية فى الموضوع دا انك لازم تسيب العلف يخلص تمام من العلافة قبل العلفة الجديدة
منها الطير ياكل العلف الناعم اللى تحت اللى هو معظمة مركزات او مركبات ناعمة هامة فى العليقة
زمنها الطير يجوع شوية علشان لما تيجى تعلف العلفة الجديدة يقبل عليها مش يلعب فيها ويبعثر جزء منها وبالتالى يزيد الهدر

** انك مش تملى العلافات وتخليها للنص فقط بتفيد فى حاجة كمان غير الهدر
بتعمل يقظة للطيور وبتخليهم يسهلكو علف بزيادة وبالتالى بيقلل مدة الدورة
كمان بيقلل من النفوق المفاجئ اللى سببة قصور فى عضلة القلب دا طبعا لو عملنهاة بالتزامن مع اى برنامج اضاءة


اتمنى يكون البوست لتوعية المربى على اهمية فقد العلف وانة بيخسرة من غير ما يدرى