طالب المساعده من المهندس عاطف والمهندس ياسر وأصحاب الخبرة في المنتدي

ان شاء الله ناوي أستأجر مزرعة وناوي أشتغل بلدي ومن بحثي في ارائكم عرفت ان البلدي غير مربح لانه بياكل كتير وغير مربح ولكن انا عرفت ان فيه انواع مستنبطة من البلدي زي الدقي والسلام والمندرة وانواع تانية كتير بس انا معنديش خبرة في هذا المجال وبصراحة انا مستريح اكتر لفكرة البلدي المستنبط لانه بيتحمل درجات الحرارة ومقاوم للامراض وده اهم حاجة عندي في المقام الاول لاني بصراحة اخاف اجازف بفلوسي في مشروع ممكن الفراخ تموت مني ولقيت ان لو ربيت بلدي فيومي من اللي بنربيه علي السطوح بتاعنا فأكيد هخسر كتير ولو ربيت ابيض او ساسو وانا لسة معنديش خبرة برضه هيموت مني كتير فلقيت احسن حل اني اربي بلدي هجين بمعني اني هقدر اوازن مابين قوة التحمل ومقاومة الامراض وفنفس الوقت هيكون مناسب في اللحم ....يا ريت مساعدتكم يا أهل الخبرة

حضرتك كلم بشمهندس ياسر موبايله 01008385995
هيفيدك بجد ف المجال ده
اتعاملت معاه قبل كده ( جبلي فراخ ساسو )
الحمد لله ربنا كرمني فيهم وده كان اول تعامل مع البشمهندس
وسألته عن الهجين وشكرلي فيه خالص
وان شاء الله هتعامل معاه تاني لما تتوافر معايا السيوله

انا كنت بدور عليه بردو .. لو تعرف توصل له هاتلى معاك

شكرا استاذة ريم وأوعدك يا استاذ ايمن برفع اي معلومات جديدة في الموضوع

أخدت بنصيحة الأستاذه ريم واتصلت بالمهندس ياسر وبصراحة هو راجل متعاون جدا وأبدي كل الاهتمام وفي انتظار الاقي مزرعة مناسبة بالمساحة المناسبة ..أدعولي بالتوفيق

انت منين يا باشا؟

اخى ربنا يوفقك ان شاء الله

بس رأيى الشخصى من خبرتى القليله

استنى لشهر 3 وجرب فى كميه صغيره ساسو مثلا 500 وان شاء الله ربنا يباركلك فيهم ويكرمك منهم

ودوره وكبر العدد شويه بلاش تدخل بمزرعه مره واحده

واانا شايف ان الساسو كويس لينا كمبتدئين

وال م.ياسر شخص محترم مما اجده فى مواضيعه هنا هيفيدك

والله الموفق

أنا من المحلة يا أستاذ أيمن

شكرا ليك يا أستاذ megaعلي الاهتمام وانشاءالله نستفيد من خبراتكم وربنا يوفق