eng.atef
السلام عليكم
عزيزي الزائر:
مرحبا بك معنا في منتدى المهندس عاطف للدواجن نتمنى ان تنضم الى أسرتنا و ان تكون عضو في منتدانا لتفيد و تستفيد
و اهلا بك

eng.atef

منتدى المهندس عاطف للدواجن
 
الرئيسيةالبوابةالتسجيلدخول
للتواصل مع المهندس عاطف باى شى يخص الدواجن ادخل على جروبنا على الفيس بوك ( جروب ملتقى مربى الدواجن فى العالم العربى) https://www.facebook.com/groups/258229914287618/
بحـث
 
 

نتائج البحث
 
Rechercher بحث متقدم
المواضيع الأخيرة
التبادل الاعلاني
احداث منتدى مجاني
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

شاطر | 
 

 برنامج لتطهير مزارع الدواجن .. عاوز رأي الخبراء ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hosein.mostafa
عضو جديد
عضو جديد


عدد المساهمات : 21
نقاط : 31
تاريخ التسجيل : 10/10/2012

مُساهمةموضوع: برنامج لتطهير مزارع الدواجن .. عاوز رأي الخبراء ؟   الثلاثاء أكتوبر 16, 2012 6:00 am

من الاشياء المهمه جدا جدا استيعاب موضوع تطهير العنابر لاستقبال قطيع جديد بين الدوره والاخرى وان شاء الله هانتكلم عن المضووع ده وبالتفصيل نبدا على بركه الله.

اولا: لازم اعرف حاجه مهمه ان مثلا برنامج تطهير مزرعه بياض او مزرعه امهات بيختلف عن مزرعه تسمين وده لان دوره الامهات او البياض ممكن تقعد تقريبا كده 1.5 سنه يعنى مده طويله وخلال الفترة دى مش هاقدر اطهر ولا اشيل السبله على عكس دوره التسمين الى ممكن تاخد بكتيره 40 يوم يعنى فتره قصيره ممكن خلالها اطهر تانى المكان يعنى ممكن اقول ان الامهات والبياض تقيريبا التطهير بتاعهم بيكون سوبرلوكس وبيكون مركز وفعال وقوى وده برده ما يمنعش ان برنامج التسمين لازم يكون كده لكن بس حبيت ابين ان نوع الفراخ من امهات او بياض او تسمين ممكن يأثر على طريقه التطهير لأن الاختلاف مش بيكون كبير .

باختصار خالص :
رش ملاسيون على الفرشه
ازاله السبله
تكحيت وكنس العنبر
غسيل العنبر باستخدام المياه تحت ضغط
جفاف العنبر
رش ملاثيون
رش فنيك
التطهير بالسلفات والنشادر
التطهير بالفورمالين
ادخال النشاره
رش فيروسيد على النشاره
ده كان برنامج تطهير لمزرعه امهات تابعه لشركه الدقهليه للدواجن من خلال مشاهده عمليه واقعيه وهانتكلم عن ده بالتفصيل.

1- تبدا عمليه التطهير بدايه من بيع الطيور السليمه وازاله اى طيور نافقه داخل العنبر .
2- يتم رش مبيد حشرى مثل الملاثيون على السبله تركيز 0.5 % يعنى 5 سم لكل لتر ويتم ملى ماكينه الرش ذات السعه 600 لتر بوضع مثلا 3 لتر من المبيد الحشرى ورش السبله بغرض التخلص من جميع الحشرات وخصوصا السوس وممكن حد يسال ليه بارش المبيد فى الوقت ده بالذات وقبل ما اشيل السبله لان درجه حراره السبله بتخلى السوس لازم مكانه وبمجرد ازاله السبله بيبدا للهروب داخل الشقوق.
3- بيع السبله ويتم عمليه التكحيت والكنس داخل العنبر عده مرات وذلك للتخلص من بقايا السبله من الدوره السابقه.
4- غسيل العنبر بواسطه الماء تحت ضغط باستخدام الباشبورى وتكون عمليه الغسيل منظمه حيث تبدا بالاسقف ثم العواميد ثم الجدران وتنتهى بالارضيه بنفس التسلسل ويفضل ان يتم استخدام صابون سايل مع الماء وان يظل الماء لمده 24 ساعه داخل العنبر للعمل على ازاله اى بواقى لاى مواد عضويه او سبله لم يتم التخلص منها بشكل كام عن طريق ضغط الماء.
5- التخلص من المياه الزايده عن طرق المساحات خارج العنبر.
6- بعد الغسيل يفضل ان يترك العنبر 24 ساعه حتى يجف ومن اجل التهويه وبعد ذلك يتم رش مبيد حشرى ويتم التركيز فى الرش على الشقوق او اى مناطق فيه ااخشاب حيث ان هذه المناطق اكتر اماكن يتواجد فيها السوس.
7- بعد عمليه رش المبيد الحشرى ب 24 ساعه يتم رش الفنيك بتركيز 10 % يعنى 70 لتر لكل 600 لتر مع تركيز الرش على الارضيه والنصف السفلى من الحيطان .ارضيه وحوائط يعنى.
8- بعد ذلك يتم تطهير ارضيه الحوائط باستخدام الجير وسلفات النشادر كمطهر وللقضاء على بويضات الكوكسيديات الى ممكن تكون موجوده بمعدل 500 كجم جير + 500 كجم سلفات نشادر يعنى 20 شكاره جير وزن 25 كجم و 10 شكاير سفات نشادر وزن 50 كجم ويتم اذابتهم فى 2000 لتر ماء ويتم نشرهم داخل العنبر وذلك عن طريق فردهم باستخدام المساحات .وهذا الخليط كما تم الذكر الجير له القدره على القضاء على طفيل الكوكسيديا الى ممكن ان يكون موجود فى الدوره السابقه وينتج نتيجه تفاعل الجير مع السلفات النشادر الامونيا التى تعتبر كمطهر عام للعنبر ويتم فرده وتغطيته جميع اجزاء العنبر ويترك لمده 48 ساعه حتى يجف .
ملاحظه هامه :التطهير بالسلفات والجير بيكون بنسبه 1 الى 1 يعنى 500 كجم من كل منهم كافى 1500 متر مربع .
9- بعد جفاف العنبر يتم رش الفورمالين بتركيز 25 % ويتم الرش للعنبر كله بشكل عام من اسقف وعواميد وارضيات وحوائط .
10- بعد ذلك يتم ادخال النشاره داخل العنبر سمك 10 الى 15 سم ويتم رشها رش سريع دون بلل بالفيروسيد تركيز 0.5 % ويتم رش الحوائط والعواميد انصاص رش سريع .
11- يتم التنظيف داخل المزرعه وخارجها وازاله اى بواقى للسبله او ريش ويتم ايضا تطهير البالكونات الخاص بالعنبر من الداخل ويتم رش الجير على الارضيات للتطهير والحد من انتشار الميكروبات والاامراض.
12- يتم ازاله المساقى والمعالف ويتم تطهيرها باستخدام ا اليود ويتم شطفهم بعد ذلك يتم وضعهم فى اى مكان نظيف استعداد لدخول العنبر للتحضين .

ده كان برنامج تطهير خاص بمزرعه امهات فى شركه الدقهليه للدواجن فى مصر
ممكن نشوف انه مكثف وكتير ولكن لان الامهات دى حاجه تانيه الدوره قيمه ومتكلفه فلوس وبطول فلازم يكون كده. لكن بالنسبه للتسمين ممكن يكون التطهير كالتالى :
1- بيع الطيور وازاله النافق.
2- بيع السبله وازالتها.
3- تكحيت وكنس العنبر.
4- غسيل بماء وصابون او ماء وكلور تحت ضغط.
5- غسيل بمبيد حشرى.
6- غسيل بفنيك.
7- غسيل بفورمالين او اى مطهر اخر مناسب.
8- تدخيل نشاره ورشها على خفيف باى مطهر .
9- فى الفتره دى بيتم ازاله المساقى والعلافات وتطهيرها واذا كان فى خطوط حلمات او علف بيتم رفعها وبتطهر مع العنبر برده.

المطهرات المستخدمه فى العنابر وتركيزاتها :

1- اليود وممكن نرش بيه النشاره ونستخدمه لتطهير السقايات واطباق العلف وخطوط المياه حسب تركيز كل مطهر تقريبا من 0.5 الى 1 %
2- الفورمالين من 2 الى 5 % تركيز التطهير وممكن لحد 10 %
3- فيركون اس 0.5 الى 1 %
4- كبريتات نحاس 2 جم للتر وده مناسب لتنكات المياه ومواسير المايه لقضاء على الميكروبات والفطريات .
5- الصودا الكاويا تركيز 2 % فى ماء ساخن للقضاء على بويضات الكوكسيديا فى ارضيه العنبر .
6- الفنيك 5 الى 10 %

ملاحظات هامه وبعض النقاط عن التطهير :

1- خلط اكتر من مطهر فى نفس الوقت او عدم غسل الموتور من بواقى المطهر السابق يوقف عمل المطهر وتاثيره مما يوثر على عمليه التطهير .
2- عمليه التطهير لا تشمل العنابر فقط ولكن نعتبر المزرعه وحده واحده بما فيها من مساكن ومخزن للعلف يتم تطهيرهم ايضا.
3- عدم استخدام بعض المطهرات مثل الفنيك والفورمالين لتطهير اطباق العلف والسقايات لما لها من رائحه نفاذه وتاثير على جوده العلف والمياه المستخدمين فيهن .
4- برنامج التطهير يشمل صيانه المزرعه من شبابيك وسلك وابواب وخلافه.
5- محاربه القوارض مثل الفيران وغيرها ايضا تابع لبرنامج التطهير وشكرا
الرجوع الى أعلى الصفحة اذهب الى الأسفل
Admin
°¨¨™¤¦ المهندس عاطف مدير المنتدى¦¤™¨¨°


عدد المساهمات : 3712
نقاط : 4770
تاريخ التسجيل : 23/11/2009

مُساهمةموضوع: رد: برنامج لتطهير مزارع الدواجن .. عاوز رأي الخبراء ؟   الثلاثاء أكتوبر 16, 2012 4:24 pm

انت كدا مخلتش حاجة يقولها الخبراء
انت قولت كل حاجة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــ
اتصل لو عندك اى استفسار او الرد على سوالك اتاخر
0563453065 دا من داخل السعودية

مهندس عاطف
الرجوع الى أعلى الصفحة اذهب الى الأسفل
http://eng-atef.ahlamontada.com
hosein.mostafa
عضو جديد
عضو جديد


عدد المساهمات : 21
نقاط : 31
تاريخ التسجيل : 10/10/2012

مُساهمةموضوع: رد: برنامج لتطهير مزارع الدواجن .. عاوز رأي الخبراء ؟   الثلاثاء أكتوبر 16, 2012 11:45 pm

أكرمك الله .. نحن تلاميذك يا هندسة
الرجوع الى أعلى الصفحة اذهب الى الأسفل
م ابو احمد
عضو جديد
عضو جديد


عدد المساهمات : 7
نقاط : 11
تاريخ التسجيل : 08/11/2012

مُساهمةموضوع: رد: برنامج لتطهير مزارع الدواجن .. عاوز رأي الخبراء ؟   الجمعة نوفمبر 09, 2012 11:46 am

فى الحقيقة المقال واضح وشامل ووافى والاسلوب مبسط وجميل . بارك الله فيك وجزاك خيرا كثيرا م ابو احمد
الرجوع الى أعلى الصفحة اذهب الى الأسفل
 
برنامج لتطهير مزارع الدواجن .. عاوز رأي الخبراء ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
eng.atef :: منتديات الدواجن :: قسم التغذية-
انتقل الى: