سؤال عن التغزيه

السلام عليكم سؤالى عن العلف البادى والنامى ممكن الاستمرار عليهم لاخر الدوره بالنسبه للفراخ البيضاء اناعندى فراخ عمر 35 يوم وماشيه معاهم على العلف البادى والنامى مع بعض ولما بقى عمرهم 22 يوم بزود الزره الصفراء المجروشه على العلف هل فيه ضرر من دا ولو فيه اضافات زى مثلا زيت الطعام ممكن احطلهم ارجو افادتى لانى مربيه جديده

الافضل انك تمشى على البادى من عمر يوم الى 25 يوم والى اخر الدورة علف نامى
ولو عاوزة تسمين جيد وسريع خليها بادى طول الدورة
وبلاش تزودى ذرة لانها بتخفض من نسبة البروتين الكلى فى العليقة

شكرا على الرد

يعنس ياباشا مهندس عاطف ........ كلامك لما يتقول " لو عاوز تسمين جيد استعمل

العلف البادي طول الدورة " ما الفائدة ؟ وطيب والنامي هو اية فائدته يعتي المزارع

وحاضرتك لا نستعمله مثلا .. ما وجة نظرك أرجوك وضحلى اكتر لان سئلت قبل كدة في هذة النقطة ولم اجد رد

من المعروف ان البادى اعلى قيمة غذائية من النامى او الناهى لاكن الاخيرين بيستعملو علشان الناحية الاقتصادية فقط علشان سعرهم اقل
يعنى هى مدارس
ناس شغالة بادى ثم نامى ثم ناهى
ناس شغالة بادى ثم اخر الدورة ناهى بس
ناس شغالة بادى طول الدورة
وبصراحة انا من انصار البادى طول الدورة لانة بيعمل اعلى تحويل

شكرا مهندس عاطف بس حاضرتك قلت لى بلاش ازود زره على البادى مع انى من يوم ما زودته على العلف لاحظت زياده فى وزن الفراخ واقبال عليه

اعملى مقارنة بين العلف الغير مخفف بالذرة والعلف المضاف لية ذرة هتلالعلف الصافى نتايجة افضل
لاكن طريقتك دى موفرة فقط

طيب يا بشمهندس انا كنت قرات في المنتدي ده ان لو وكلت علف بادي طول الدورة البروتين العالي الي في البادي 23%في الاعمار الكبيرة بياثر علي الكلي فانا احترت عاوز اوزان كبيرة وفي نفس الوقت خايف من الي قراته في المنتدي

بالطبع كلام حاضرتك صحيح ياهندسه باستعمال البادي طول الدورة ولكن

هل له اثر سلبي ( علي الكلي ) في المراحل الاخيرة كما يقال ؟

وحاضرتك بضيف اي شئ اخر علية علشان يعطي وزن اكتر في اي مرحلة ولا لا ؟

وحاضرتك بتفضل العلف المركب ( مثل م ياسر ) ولا الجاهز افضل ؟

وما الشركة العلف المفضلة لديك في مصر ( عن تجربة ) ؟


انا شاكر افضالك علينا ياباشا مهندس عاطف

محاميح كتب:

طيب يا بشمهندس انا كنت قرات في المنتدي ده ان لو وكلت علف بادي طول الدورة البروتين العالي الي في البادي 23%في الاعمار الكبيرة بياثر علي الكلي فانا احترت عاوز اوزان كبيرة وفي نفس الوقت خايف من الي قراته في المنتدي

فعلا العلف البادى بروتينة عالى والبروتين محتاج كلية سليمة علشان الاستفادة الكاملة
لاكنة فعلا بيعمل افضل وزن عن غيرة
يبئى الخلاصة علشان تشتغل بية طول الدورة لازم تحافظ على الكلى
انا شخصيا دايما اشتغل بادى بس طول الدورة فى اى نوع من انواع التسمين لاى طير بس براقب الكلى باستمرار
ودايما الدورة بتطلع بدرى عن غيرها

أبوعزت كتب:

بالطبع كلام حاضرتك صحيح ياهندسه باستعمال البادي طول الدورة ولكن

هل له اثر سلبي ( علي الكلي ) في المراحل الاخيرة كما يقال ؟

وحاضرتك بضيف اي شئ اخر علية علشان يعطي وزن اكتر في اي مرحلة ولا لا ؟

وحاضرتك بتفضل العلف المركب ( مثل م ياسر ) ولا الجاهز افضل ؟

وما الشركة العلف المفضلة لديك في مصر ( عن تجربة ) ؟


انا شاكر افضالك علينا ياباشا مهندس عاطف

بالاضافة الى الكلام السابق
علشان ترفع قيمة العلف البادى اخلط علية خميرة بنسبة 5 الى 10ك على الطن مع اضافة
وولو مش مهم التكلفة حط 5 ك ثوم هيظبط معاك المعوى وهيحسن الهضم ويرفع الوزن

بالنسبة لى انا لا افضل العلف الجاهز علشان اعرف اركب عليقة علاجية واخرى غذائية على حسب وضع الدورة
اما العلف الجاهز بيخلينى مكبل ومش قادر اعمل اى حاجة

مفهوم كل كلامك يابااشا مهندس
تركيبة المهندس ياسر هي :
600ذرة +300صويا + 5ثنائى كالسيوم + 5زيت صويا +1ك ميثونين +1ك لايسين +3 بريمكس +دكسينافيد ، فور دكس ، مضاد سموم ، كوكسيديا ، ثوم ، أوكسى

محتاج الرد علي الاستفسارات( عن التركيبة ) دي ياباشا مهندس ( بطريقة موضحة ) : -

هل تضيف أو تعدل فيها شئ ؟
كمية الثوم كم علي الطن ؟
زيت الصويا هنا هو الزيت النباتي ( التموين العادي) ؟
في تقدير حاضرتك كم تمثل نسبة البروتين والطاقة فيها ؟
هل بتستمر بها طول الدورة ولا بيحصل تعديل فيما بعد ؟
يقال علي هذه التركيبة ان معامل التحويل قليلا ما وان بيبقى فيها نسبة ناعم كتير غير مرغوب بالاكل ويهدر .. مارايك ؟
بتختلف من نوع تسمين فراخ عن اخر ( ابيض أو ساسو ) ولا لا

نشكرك علي المتابعة باستمرار وعلي ردودك المفيدة جداااااااً

هات الرابط اللى كتب فية المهندس ياسر التركيبة دى لو سمحت
بعدين اوضحلك كل اللى انت عاوزة

للاسف ياباشا مهندس انا مش فاكر الرابط .. انا كتبتها اثناء تصفحي لمقالات المنتدي ..

وبالمناسبة ياباشا مهندس

الدفعة اللي بتابع معاك فيها هي عمر 8 يوم الان يوجد بها كولسترديا ( بني كريهه ) بنسبة قليلة وبدون نفوق مع استهلاك جيد للعلف مع انني الان
اعطي جرعة 8ساعات ارثرو+تراي سلفا (ايطالي) .. مارايك ؟

وملحوظة اخري لم االكتكوت بيقف علي رجلي بحسن بسخونة في رجل الكتكوت مرتفعة الي حد ما ..... ما تفسير حاضرتك ؟

طيب الجرعة اللى حاططها دى ملهاش علاقة بالكلوستريديا
حطلهم اموكسى

ماشي ياباشا مهندس هنزل اموكسى ..

وقررت استمر علي البادئ طول الدورة زي ما حاضرتك نصحتي وانا جربتها فعلا

بس عايز حاضرتك تشرح لي جملتك " مع المحافظة علي الكلي " .... ازاي

اعطني طرق امشى عليها طول الدورة تحافظلي علي الكلي

يعنى حافظ عليها من الاتى
السموم الفطرية الكلوية (اوكراتوسين) بوضع مضاد فطرى كويس وقوى
اما عن امراض تصيب الكلى
جمبورو
اى بى
سالمونيللا
وكل دا لة برامجة الوقائية

وضعت جرعتين اموكسي علي يومين 8 ساعات ولم ياتي بنتيجة مع الكولسترديا .. ماذا افعل

وهل يلزم وضع جرعة كوكسيديا ( رغم عدم ظهورها ... تكون وقائية مثلا )


وسوال اخر هاااااااااااام :

عندي نسبة الكلور في المياة عالية .. هل لها تاثير علي المضادات او الفيتامينات ... ولو

لها تاثير ..اعمل ايه لحل هذه المشكلة ؟

شكرا ياباشا مهندس علي المتابعة معي باستمرار + المعلومات اللي مظبطة الدفعة معي المرة دي ممتازة ...... شكرااااااااااااااا

طيب افتح موضوع خاص باسئلتك
لان الموضوع باسم سؤال فى التغذية
عاوزين المنتدى يكون منظم علشان اى واحد يدور عليها يلاقيها بسهولة