تركيبة علف للبط(تسمين)

اايه رأى حضرتكم فى تركيبة العلف دى للبط التسمين
200 ردة
520 ذرة
230 كسب صويا 44%بروتين
50 مركزات نباتى 52%بروتين وطاقة 2860 ك كالورى
حجر جيرى 14كيلو
3 كيلو ملح طعام
5 كيلو زيت ذرة
-------------------------------------------------
بروتين 20% وطاقة 3000ك كالورى

?

اولا دا صعب يكون بادى للبط لان العمر الاول تحويلة عالى ولازم يكون معدل الطاقة للبروتين اعلى من كدا فلازم ترفع الطاقة شوية
حتى لو 100 كيلو كالورى او 12 ك زيت صويا
وزيادة الردة محتاجة الى 1.5 ك كيمزايم او اى مركب انزيمى يرفع من قيمتها

اولا شكرا للرد السريع يا باشمهندس عاطف انا اقصد علف تسمين يعنى مش تحضين يعنى من بعد عمر شهر اما زيادة الردة فدى علشان سعرها رخيص شوية وبنحاول ان العلف يكون رخيص علشان الربح


اما بخصوص البروتين للبط والطاقة الاساتزة المتخصصين فى البط فى مركز البحوث بيقولو االبط محتاج فى فترة التسمين يعنى من بعد عمر شهر الى 17%بروتين و2900ك كالورى طاقة هوانا شايف انها نسب قليلة بس انا مرة عملت خلطة بمواصفاتهم وكانت كويسة الى حد ما واعطت نسب تحويل معقولة جدا طبعا انا فى المرات اللى بعد كده رفعت النسب شوية

طالما انت جربت الخلطة دى جابت معاك بتيجة يكون التجربة خير برهان
لاكن انا فاهم تغذية كويس جدا وبكلمك على احتياجات جسم علشان يعمل افضل تحويل وبعدين بصفة عامة عليقتك ناقصة طاقة والبط طائر مائى من اهم مميزاتة تخزين الدهن تحت الجلد فلازم تعطية احتياجة من الطاقة مهما كان رائى المختصين لان دا شى بديهى

لاكن اذا خلطنا الراى العلمى مع التجارة والسوق هتكون النتيجة ان عليقتك تعتبر شبة مناسبة للعمر الاخير خاصة قبل التسويق

كلام حضرتك جميل جدا وبالرغم ان المربى اهم حاجة عنده الربح بس انا شخصيا بميل للصح انا عاوز من حضرتك تعملى طيب تركيبة من نفس المكونات السابقة بس تكون اقتصادية انا هكتبلك الاسعار علشان نحاول نوصل لارخص عليقة واحسن عليقة
الردة الكيلو 1,5جنية
الذرة 2جنية
الصويا 3,6جنية
مركزات 5,8جنية (نباتى بروتين 52% وطاقة2860 ك كالورى )
الزيت 5جنية
طبعا دى المكونات المتوفرة عندى بس
بس يا ريت تظبطها لانى هعمل بيها على طول انشاء الله الدورة القادمة
طبعا بط تسمين من عمر 4 اسابيع الى 10 اسابيع النوع مسكوفى احنا هنا بنتعلم من حضرتكم فيا ريت تصبروا علينا وعلى طلباتنا اللى مبتنتهيش

حاضر بس اعطينى فرصة لان التركيبة عاوزة وزن
هحاول اعملهالك باسرع وقت

ماشى ياباشا خد وقتك براحتك احنا عارفين اننا تاعبينكم معانا بس هنعمل ايه