الي الرائع المهندس عاطف

السلام عليكم يا باشمهندس عاطف عندي لك سؤال من الأخر
بص يا مان لو أنا عندي 4 كتاكيت وز و 4 بط مسكوفي كبير شوية يعني حوالي 900 جرام مثلا.
وعايز أكون خلطة علف من الأخر لأنتاج بيض مخصب أن شاء الله.
ومتوافر عندي كسب فول صويا 44% بروتين وحجر جيري وذرة وبروتين حيواني وردة وكمان عندي AD3A فممكن أعمل خلطة أزاي يعني قصدي لو 2 كيلو ذرة أحط عليهم قد أية صويا وبروتين وحجر جيري وردة يعني عايز يكون المعيار عندي 2 كيلو ذرة علشان أقدر أفهم...
ولك مني جزيل الشكر

كتاكيت او بط مسكوفى 900 جرام لسة بدرى جدا على ما يبيضوا اصلا علشان يجيبولك بيض مخصب
يعنى انتظر على العلف الناهى العادى الى ميعاد وضع البيض وبعد كدا نعملك تركيبة البياض

شكرا لرد حضرتك ياباشا.

بس أنا قصدي أن التربية لغرض التخصيب مش أنتاج اللحم, أنا عارف أن لسة بدري علي انتاج البيض ولكن ذكرت لحضرتك بس الهدف من التربية ,,ولكن قصدي من المواد دي اللي عندي ممكن أعمل الخلطة ازاي للأوز والبط...

سؤال أخر أختي كان عندها أربع وزات كتاكيت مات 3 بسبب طاعون أو كوليرا حسب تشخيص حضرتك فيما سبق المهم فاضل واحدة وبقالها شهر ومفيش عرض عليها . هل ممكن تجيب وز معها أخر ولا في مخاطرة يعني هي متخوفة من أنها تكون الوزة دي حاملة المرض وتعدي الأوز الجديد فأرجو رأي حضرتك ؟

وطبعا أشكر وقت حضرتك الثمين الذي تقضي معنا في هذا المنتدي الرائع.. والسلام عليكم

هتركب 1.25 ك درة
0.125 ك صويا
0.2 بروتين حيوانى
والباقى ردى
اما عن الوزة فعلا ممكن تكون حاملة للمرض

شكرا جدا جدا لحضرتك وجزاك الله خيرا يا باشمهندس وأن شاء الله هأقول لأختي أن تصرف نظر عن شراء وز جديد.
والسلام عليكم